باب الحديد
في " البنش " الذي يليني يجلس هاني وعبده دائما ما يتحدث هاني عن فكره الجديد الذي يسعي جهدا لعمل حزب لهذا الفكر ويطلق عليه اسم قمة في الغرابه الحزب النازي الإسلامي أنا أعلم أنه استقي فكرة هذا من حبه الجم لأدولف هتلر وهل يستحق أدولف الحب لا أدري فكثيرا ما نسمع عن عبقريته الحربية وجرأتة ولكن من ناحية أخري نقرأ قصص عن مدي تكاسله وديكتاتوريته , أنا لا أكره ولا أحبه ولكني أستغرب من الفكر الجديد الذي أراه يقترب من فكر الحزب الوطني وبالرغم من تركيز المحاضر في التنقيب عن من تُسول له نفسه بالحديث إلا أن هاني يترسل في شرح لفكر الحزب لعبده الذي لا يكتثر لا لهاني ولا لفكر وقد لايعرف من هو أدولف هتلر فهو حديث المجنون للأصم كم .
الكثير من التناقضات تجدها بين ثنايا الطلاب فأمامي تجلس لميس وبين يديها احدي روايات عبير المهلهله من كثره التداول ولكثره البحث عن الرومانسيه المطلقه الغائبه عن اللوحه العامه لحياتها وبجانب سامي يجلس محمد يتناول صفحات الرياضة في الجريده اليوميه ليري التحليلات المنطقية والغير طبيعية لأحداث المباراة المرتقبه غدا وأنا بعد حديثي القصير مع سمير أخذت الصفحه الثانيه من محمد لأشرع كعادتي في حل لغز " السودوكو " حتي تنتهي فترة العقاب هذا ويذهب هذا المحاضر إلي .........
وبالرغم من انتهائي من الحل لايزال الكثير من الوقت باقي فيغالبني النعاس وأصحوا علي رتب سمير علي كتفي وهو يقول : يلا يا برنس المحاضره خلصت قوم نلحق نجيب كانز بسرعه قبل ما الكابتن اللي بعده يدخل .
*******
فلم باب الحديد ذهب المؤلف الي نهايه ورديه الي حد ما , حيث بعد ما أوضح لنا مدي فقر تلك الطبقه الاجتماعيه ومدي تفشي الامراض النفسيه أخرجنا من مشاهده الدراما والسرد الدقيق للشخصيات الي الحركه السريعه في محاول القتل الاول ومحاوله قتل البطله هند رستم والتي بالطبع نجح المؤلف في اخراجها من المازق سليمه ودون ادني خدش ليرتاح البطل فريد شوقي بالنهايه السعيده مع البطله ولكن هنا وفي تلك اللحظه أوعز الكاتب بفكره لو تسابق اليها كثيرون لما استطاعو ان يؤتو بها ...
المجرم المطرب عقليا , وهنا تكمن العبقريه , فبالطبع تحول الكثير من المجرمين العتاه تلك الايام الي مطربين عقلياً ,دائما ما يسعون الي الفساد وفي النهايه تقفل قضيه فسادهم الي مطرب عقلي كمعظم السفاحين وهنا يطيح عقلي بالاسئله هل كل المجرمين مطربون عقليا هل يجب معاقبتهم علي هذا النحو ؟ هل يجب معالجتهم اولا ؟ وهل يجب معاقبتهم بعد العلاج أم أنهم أصبحو ذو عقل سليم لايستحق العقاب .
*******
في منتصف اليوم الدراسي وبعد عناء ومشقه دئما ما أرغب في تناول كوب الشاي مع صديقي العزيز سامي نجلس سويا نتناقش في اي شئ بل أحيانا كثيرة في السياسه ولكن اليوم كان هناك موضوع جديد قد تكون تلك اول مره نتحدث فيها عنه .
- فاروق ! ايه رأيك في اننا ننشأ جمعيه
قالها سامي وهو مبحلقاً في السماء شارد الفكر ؛
- جمعيه ايه ؟! نلم فلوس يعني ...
- بقولك ايه يا فاروق بلاش دور المسطول دلوقتي , اقصد زي جماعه
, منظمه , حزب ؛ أي حاجه زي كده .
- اممم , ايه رائيك في جماعه ذو الياقات الحمراء
ثم أردفت ضحكه وتابعت كلامي
- ولا اقولك خليها الصفراء علشان التي شرت اللي انا لابسه
- سامي : لا انا مش هتكلمك معاك دلوقتي , انا عارف لازم تشرب الشاي علشان تصحصحلي , اتنين شاي يا محمد
أخذت أستسقي منه الكلام وهو يرفض حتي جاء الشاي وارتشفت منه شربه وحينها قال :
- حزب يكون هدفه ان واحد منه يبقي رئيس البلاد
القاها علي أذني ولكني تابعت هزليتي
- وأنا هبقي القائد والمفكر والمدبر والمقدام وكل ده , امممممم, انا موافق
- انا بقول واحد , بس مش زي ما انت قولت , لا علشان يبقي رمز ويخلي الناس فعلا هما اللي يحكموا نفسهم يزرع الحريه و يرعي الفكر المضاد , يكون سند للغلبان وقاهر للظالم .
وقفت وأخذت أصفق ثم جلست وحينها بدأ سامي في اظهار حنقه مني وأطبق علينا الصمت حتي انتهيت من كوب الشاي وعندها تحدثت له ولكن هذا المره بجديه
- انا فاهم انت قصدك ايه وعلي فكره سهل قوي انك تعمل حاجه زي كده حتي لو في السر بس السؤال بيقول هل تعتقد ان فيه فعلا أمل ان حد بيحب البلد بجد يتولي أمرها هل تعتقد ان فيه واحد يعمل اي حاجه لغيره في الوقت اللي في ايده السلطه المطلقه لعمل كل شئ هل في زمنا واحد بيحب الناس اكتر ما بيحب نفسه أنا شخصيا لا اعتقد , بل هل ممكن إن حد يثقك في شخص ويديله الحكم المطلق أنا هنا هستشهد بالمثل اللي بيقول المال السايب بيعلم السرقه بس هغيره وأخليه الحكم المطلق بيعلم الديكتاورية .
- ايه السواد ده , طيب فين الامل اللي انت كنت ديما بتكلم عنه ولا خلاص لحد هنا ومفيش .
- الامل موجود ... , ليت المطالب بالتمني ولكن تأخذ الدنيا غلابا , بس انت عارف ان اللي انت بتتكلم فيه ده ممكن ياخد سنين طويله قوي وعايز حاجات كتير وضمانات أكتر .
- علشان كده انا بتكلم معاك ... علشان عايز أغير الوضع اللي حولي وعلشان عارف انك الوحيد اللي ممكن تبدا معايا ... ايه رأيك فكر وبكره نكمل كلامنا .
- وليه بكره نكمل دلوقتي انا طول عمري وانا بحلم ان اصلح حاجه من الغلط الكتير اللي انا شايف بس المشكله ان من كتر الغلط اللي حولنا تعودت عليه وبقي روتين وخايف اني لما ابدا أغيره أحنله وأرجعه تاني زي مابيقولو في الترجمه مثل الأيام الخوالي ؛ وبعدين تعالي هنا هو حضرتك معتقد إنك هتقدر خلال سنتين تلاته تغير فكر بلد ... هه هه . دول تمنين مليون يا حضرة يعني لو واحد بيحب يشرب قهوة ساده اللي جنبه بيحبها سكر زياده .
- بس فيه أمل
- أكيد فيه أمل بس مش لينا لأحفدنا , انت عارف علشان تخلي الناس متخافش من الديموقراطيه وتبدأ تطالب بيها دي ممكن لوحدها تأخدلها عشر سنين.
- مش للدرجه يا فاروق !!! , الناس مخنوقه ومش طايقه ونفسها تغير .
- تصور وهي دي الناس اللي برضه بتقول اللي تعرفه أحسن من اللي متعرفوش .
- انت معايا ولا غاوي تهبطني وخلاص .
- لا أنا مش بهبطك , أنا بس عايزك تعرف ان الحكايه دي محتاجه عمري وعمرك وعمر ولادنا .
- وايه يعني أهو في يوم من الأيام ممكن أشوف حفيدي وهو بيترشح للرئاسه علي الرغم من انه فلاح ابن فلاح .
ارتسمت علي شفتي ضحكه صفراء ثم تابعت
- انت عارف الفرق بين الايام دي وأيام الملكيه ؛ إن أيام الملكيه كان النظام ماشي بأن علتين هما اللي ممشين البلد ؛ أما الأيام دي بقوا تلاته .
- ينعي مبدئيا انت معايا .
- انها مشيئه الرب يا هذا .
- طيب ... بموود العصور الحجريه اللي انت عايش فيه ده .
- انا لغتنا العربيه
ثم شردت برهه لم أدري ما كان يتمتم سامي خلالها لأقاطعه قائلاً
- ايه رأيك نخليها من أساسيات الحزب .
- اللي هي ايه ؟!
- التحدث باللغة العربية الفصحي أثنا التحاور بين الأعضاء وخلال الاجتماعات الرسميه .
- تصور فكره جميله ... إنها حقا لفكرة رائعه
- نعم نعم ولتكن هذا أولى مقومات الأعضاء إجاده اللغة العربية الفصحي
- فليكن , الموافق علي هذا المشروع يتفضل برفع يده ؛ موافقه .
في تلك اللحظات هجم علينا هاني المفكر النازي كما يحب أن يطلق علي نفسه ولكنه يببرها بأنها نازيه علي اليهود فقط وليست علي الشعوب المسلمة .
*************
هاني من الشخصيات المرحة المتسلطة أحيانا يذكرني كثيراً بصديق الطفولة عمرو اذ كانت ولا تزال تجمعنا صداقه جميله قد يكون السبب الأول فيه يرجع لبنت جميله اسمها جميلة اعتدنا علي حبها سويا في أيامنا الأولي عندما كانت البرآة هي صفتنا , صرنا سويا نحبها , حب لايشوبه أي مصالح حب لمجرد الحب , علي شرفها صرنا نحفظ بعض الأغاني الرومنساية لعمرو دياب وبالرغم من أننا بنفس المدرسة لم نتعرف علي بعض إلا من خلالها لأننا كنا أكثر اثين يضايقاها بالمدرسة لذا سهل علينا أن نلتقي أيضاً علي شرفها عند غرفة الناظر لننال العقاب , تلك الأيام التي طالما تذكرتها من حين لأخر .
*************
قال هاني : انتو بتصدقوا علي ايه ؟! أنا عايز .
رد عليه سامي : عايز ايه ؟ هي فته .
فعقبت عليه : ايه يا سامي متسيبه ياخد معانا أهو نبدأ نجند أعضاء
سامي : أعضاء ايه مش لما نحط اللوايح الأول
هاني : لوايح ايه أنا مش فاهم فهموني علشان أنا مبحبش أكون حمار
قلت : فهمه يا سامي ده برضه مننا وعلينا ومش م العصافير
هاني : كده يا أبو فاروق أخرها تساويني بالعصافير
أنا : لا والله مش قصدي أنا بس بوضح الصورة لسامي
سامي : بص يا عم هاني ! الموضوع وما فيه أننا بصدد انشاء جمعيه سرية هدفها السيطرة علي مقاليد الحكم والزج به الي قارورة الديموقراطية , وأول بنودها أن اللغة العربية الفصحي هي لغة التحاور بين الأعضاء والمستخدمة في كافة أنشطتها
هاني : اممممممممم , ويحَكم , أنا أول الأعضاء ولتسجل تلك اللحظة في أرشيف الجماعة .
أنا : وبصفتي الرئيس الأول أعلن سامي المستشار الأول وهاني المستشار الثاني .
سامي : مبدأيا أعلن موافقتي ومبايعتي .
هاني : فليكن .
هاهنا وقفنا نحن الثلاثه وأخذانا نصافح بعضنا البعض وبنا شئ من نشوة الفائز بالرغم من أننا لم نتحرك بعد من أماكنا .
*************
ليست هناك تعليقات:
إرسال تعليق